Dëbora dhe ngricat kërcënojnë pemëtarinë në Korçë, specialistët: Ja si mund të ulen dëmet
19/03 15:21
Emigracioni jashtë vendit, zhvendosja në kryeqytet apo qytetet e tjera të mëdha dhe plakja e popullsisë kanë bërë që numri i të moshuarve të vetmuar në Korçë të vijë duke u rritur.
Rreth 1400 persona të moshës së tretë në nevojë për përkujdesje u evidentuan vitin e kaluar nga Këshilli i Qarkut në bashkitë Korçë, Maliq dhe Pogradec. Nevojat e adresuara prej tyre përfshijnë shërbime nga më baziket si pazare ushqimore, plotësim dokumentacioni në e-albania, e deri tek shërbimi i mjekut apo kujdesi psikosocial.
“Nga asistenca e punonjësve sociale në këto qendra, ne kaluam tek asistenca në shtëpi. Punonjësit socialë evidentojnë kushtet në të cilat jetojnë të moshuarit dhe më pas në varësi të preferencave që ofrojnë të moshuarit ne ofrojmë shërbime të karakterit psiko social, asistencë për nevoja të ndryshme si blerjet e ushqimeve, njoftimi i mjekut etj.”, shprehet Erion Nexhipi, Kryetar i Këshillit të Qarkut Korçë.
Juglindja është një prej qarqeve ku numri i të moshuarve të vetmuar me nevojë për përkujdesje është i konsiderueshëm.
“Nevojat për këto shërbime janë të mëdha dhe po punojmë për të sinkronizuar punën mes organizatave dhe institucioneve për këto shërbime. Nevojat nisin nga më jetiket si ushqimi dhe higjena deri tek nevoja për përfshirje sociale”, shton ai.
Trendet e emigracionit jo vetëm për Shqipërinë por edhe për vendet e tjera rritin nevojën për më shumë shërbime sociale sidomos për moshën e tretë ndaj Këshilli i Qarkut të Korçës është duke punuar me të 6 bashkitë për hartimin e Planit Rajonal Social për të unifikuar shërbimet dhe aplikuar politika mbështetëse për këtë kategori.
Top Channel
