SHBA-ja goditet nga moti i keq, stuhitë e fuqishme shkaktojnë viktima dhe shkatërrime 05/03 23:23
Fjalimi i presidentit amerikan, Donald Trump zgjati rreth një orë e 40 minuta, duke vendosur lehtësisht rekordin për fjalimin më të gjatë në një seancë të përbashkët të Kongresit.
Rekordi i mëparshëm u vendos nga Bill Clinton , i cili foli për një orë e 28 minuta gjatë fjalimit të tij në vitin 2000, sipas Projektit të Presidencës Amerikane në Universitetin e Kalifornisë në Santa Barbara.
Në fjalimin drejtuar Kongresit amerikan të martën mbrëma, Presidenti Donald Trump mbrojti tarifat e reja ndaj partnerëve tregtarë të Shteteve të Bashkuara dhe u zotua për shtimin e tyre.
“Vendet e tjera kanë përdorur tarifa kundër nesh për dekada, dhe tani është radha jonë”, tha Presidenti Trump në fjalimin e tij të parë para ligjvënësve amerikanë që nga marrja e mandatit të dytë.
Fjalimi i presidentit vjen ndërsa Shtetet e Bashkuara vendosën tarifa prej 25% për eksportet nga Kanadaja dhe Meksika, dy partnerët e saj më të mëdhenj tregtarë. Uashingtoni dyfishoi po ashtu një tarifë të mëparshme prej 10% për importet kineze. Kina renditet e treta për shkëmbimet tregtare me Shtetet e Bashkuara.
Tregjet e aksioneve në Shtetet e Bashkuara shënuan rënie të konsiderueshme, ndërsa të tre vendet kanë thënë se do të hakmerren, duke ngritur shqetësime për një luftë më të gjerë tregtare.
Top Channel
