Çështja e CEZ- DIA mbetet e në zhvillim e sipër jo vetëm nga SPAK.
Si një nga episodet që dërgoi nën arrest me burg Ilir Metën, llogaritë e CEZ- DIA janë hapur edhe në Gjykatën Kushtetuese.
Kjo gjykatë ka vendosur të kalojë në seancë plenare dhe të shqyrtojë në bazë dokumentesh një kërkesë të Kastriot Ismailaj, që kërkon shfuqizimin e të gjitha vendimeve që e deklaruan fajtor dhe e dënuan me 11 vite burgim.
Ismailaj, ish administratori i DIA, një kompani që duhet të mblidhte borxhet e CEZ kërkon shpalljen si jo kushtetues të këtyre vendime edhe për pjesën konfiskimit të 3.2 milionë dollarëve dhe gati 450 mijë eurove të konsideruara si të ardhura nga pastrimi i parave në aferën më të madhe të mashtrimit në vend.
Administratori u dënua nga drejtësia me akuzën më të rëndë atë të mashtrimit me pasoja të rënda
Por ndërsa Ismailaj u gjet fajtor gjatë një procesi penal të zakonshëm, për këtë çështje Prokuroria e Posaçme ka renditur dyshime edhe ndaj Metës që në cilësinë e ish ministrit të ekonomisë pretendohet se ka ndikuar në lidhjen e kontratës mes DIA dhe CEZ shpërndarje për identifikimin dhe mbledhjen e borxheve të prapambetura. SPAK thotë se gjatë kësaj kohe Meta ka pranuar favore nga administrator I DIAS, Ismailaj një version ky që kundërshtohet nga ish funksionari
E megjithatë fakt mbetet që Kastriot Ismailaj e ka mbarur dënimin dhe besohet që është larguar jashtë vendit.
Top Channel
