SHBA dhe Ukraina arrijnë marrëveshje për mineralet e rralla 25/02 22:21
Një prift italian, i cili ka një marrëdhënie të ngushtë me Papa Françeskun dhe që më parë ishte në kontakt telefonik me të, u njoftua se kishte qenë objektiv i një mjeti të sofistikuar spiunazhi të përdorur nga një qeveri e panjohur, një zbulim që do të rrisë presionin ndaj qeverisë së Giorgia Melonit pas rasteve të tjera të ngjashme.
Ati Mattia Ferrari është pjesë e anijes së shpëtimit të emigrantëve në pronësi të OJQ-së Mediterranea Saving Humans, themeluesi i së cilës, Luca Casarini, zbuloi këtë muaj se ishte viktimë e një sulmi spiun ushtarak.
Ferrari tha se ishte njoftuar nga Meta, pronari i Facebook, WhatsApp, Instagram dhe Threads, në shkurt 2024 se ai ishte objektivi i një “sulmi të sofistikuar spiunazhi të mbështetur nga entitete të paidentifikuara qeveritare”.
Asnjë informacion i mëtejshëm nuk u dha, por njoftimi erdhi disa muaj pasi Ferrari, Casarini dhe David Yambio, një aktivist i të drejtave të njeriut në Itali dhe gjithashtu një viktimë e sulmit përgjues, kishin takuar Papën në shtëpinë e tij në Vatikan.
“Nuk ishte lajm i këndshëm kur zbulova se telefoni im ishte përgjuar. Kur mësova se Luca ishte përgjuar, e dija se edhe unë mund të isha një nga objektivët e sulmit. Unë besoj se është mjaft e qartë se agjencitë qeveritare qëndrojnë pas kësaj. Fatkeqësisht, prej shumë vitesh solidariteti pothuajse është kthyer në krim”, tha Ferrari për Guardian.
Ferrari kishte qenë në kontakt të ngushtë telefonik me Papën dhe e kishte takuar atë në shumë raste, duke përfshirë edhe periudhën kur ai dyshohet se ishte në shënjestër të sulmit.
Papa, i cili tani është në një gjendje kritike në spital duke luftuar pneumoninë dhe disa probleme të tjera shëndetësore, foli për Ferrarin gjatë një interviste në janar.
“At Mattia është djalë i mirë, ai punon shumë. Kam folur me të në telefon shpesh herë”, tha Papa.
Ferrari tha: “Të bësh mirë për njerëzit, të ndihmosh ata në nevojë, duket se është kthyer në një akt të ndëshkueshëm. Është një çështje serioze dhe shpresoj se dikush do të hedhë dritë mbi atë që ndodhi. Tani kërkojmë transparencë dhe vërtetësi”
Udhëheqësit e opozitës kanë ripërsëritur thirrjet për Melonin, administrata e të cilës ka mohuar që shërbimet vendase të inteligjencës ose qeveria fshiheshin pas sulmeve të përgjimit.
Top Channel
