Sulm me dronë pranë kufirit me Venezuelën, gjashtë ushtarë të vrarë, dhjetëra të plagosur në Kolumbi 19/12 22:54
Getty Images
Liderët europianë pritet të mblidhen këtë të hënë në Paris për të diskutuar rreth arritjes së paqes në Ukrainë, por këtë herë me mungesa.
Arsyeja e një takimi urgjent u bënë deklaratat e zyrtarëve amerikanë sipas të cilëve vendet europiane nuk do të merrnin pjesë në tryezën e negociatave ku do të diskutohet fundi i luftës në Ukrainë, pavarësisht se do të pyeten.
Samiti është thirrur nga presidenti Macron, ndërsa pjesëmarrës do të jenë liderët e Italisë, Gjermanisë, Polonisë, Britanisë së Madhe dhe shefit të NATO-s.
Mark Rutte ka deklaruar se nuk mjafton që Europa të thotë dua të jem atje, por duhet të organizohet dhe të sjellë ide të reja.
“Nevojitet një qëndrim më i pjekur, organizohuni, diskutoni një plan të mbrojtjes, zhvilloni një plan strategjik dhe mendoni se çfarë jeni në gjendje të bëni”, deklaroi Rutte.
Në samitin e Parisit do të diskutohet edhe për qëndrimin e zëvëndëspresidentit amerikan JD Vance në konferencën e Mynihut ku shprehu kritika për Europën.
Sakaq, zyrtarë të lartë të administratës së Presidentit amerikan Donald Trump janë nisur drejt Arabisë Saudite. Sekretari i Shtetit Marco Rubio, Këshilltari për Sigurinë Kombëtare, Mike Waltz dhe i dërguari i Shtëpisë së Bardhë për Lindjen e Mesme, Steve Witkoff pritet të fillojnë negociatat për arritjen e paqes mes Rusisë dhe Ukrainës, por nuk është ende e qartë nëse në këtë tryezë do të ketë përfaqësues të Kievi, pasi vetë presidenti Zelensky ka thënë se nuk e ka marrë një ftesë për të qenë atje.
Top Channel
