Administrata Trump pezullon nga puna punonjësit e USAID-it në mbarë botën 05/02 10:41
Një peshkaqen ka vrarë një artiste të re në një nga plazhet më të njohura të Australisë, vetëm disa orë pasi shkencëtarët paralajmëruan se peshkaqenë të rrezikshëm po josheshin në zonat e notit të vendit nga ngrohja e deteve.
Charlize Zmuda, 17 vjeç, studente kolegji, po notonte në plazhin Woorim të Queensland kur ajo u sulmua nga peshkaqeni, sipas medias së huaj.
Ajo mësohet se ka pësoi plagë në pjesën e sipërme të trupit dhe krahëve dhe vdiq në krahët e policëve që u vërsulën në ujë në përpjekje për ta shpëtuar.
Një burrë që ishte në ujë në kohën e sulmit i tha gazetës Brisbane’s Courier Mail se ishte “i pafuqishëm” dhe nuk mund të arrinte atë në kohë.
Ai tha: “Isha rreth 150 metra larg vajzës së re, shikova dhe pashë një rrëmujë, por në momentin që arrita tek ajo, policia ishte tashmë aty dhe ajo po notonte sipër ujit.
“Nuk mund të bënim asgjë.”
Plazhi mbrohet nga rrjeta e kufizuar dhe patrullohet nga dronët në kërkim të peshkaqenëve.
John Wadey ishte në plazh, i cili është rreth 50 milje në veri të Brisbane, me djalin e tij 11-vjeçar në kohën e sulmit.
Wadey tha se oficerët e policisë vrapuan në ujë për të ndihmuar vajzën, por ajo nuk mund të shpëtohej.
Top Channel
