Të shtënat me armë në Malësinë e Madhe, policia jep detaje
01/02/2025 23:08
Të shtëna me armë zjarri në Malësinë e Madhe! Sekuestrohen kamerat e sigurisë 01/02 22:30
Policia ka sqaruar ngjarjen e ndodhur mbrëmjen e sotme në Malësinë e Madhe, ku janë regjistruar të shtëna me armë.
Sipas policisë, rreth orës 20:00, në Sallën operative të Komisariatit të Policisë Malësi e Madhe ka ardhur një telefonatë se në fshatin Gruemirë, është qëlluar me armë zjarri.
Me marrjen e njoftimit, shërbimet e Policisë kanë shkuar menjëherë në drejtim të adresës së dhënë. Nga veprimet paraprake të kryera nga grupi hetimor, në rrugën e fshatit Gruemirë janë gjetur e sekuestruar në cilësinë e provës materiale 4 gëzhoja.
Po nga verifikimet paraprake nuk ka persona të dëmtuar e as dëme materiale.
Grupi hetimor në drejtimin e Prokurorisë, po punon për zbardhjen e rrethanave dhe dokumentimin ligjor të rastit.
Top Channel
