Zbardhen shkaqet/ Tragjedia me 64 viktima në SHBA, si shpëtoi sportisti që nuk hipi prej… qenit të tij 30/01 23:09
Një ditë pas përplasjes tragjike në aeroportin e Washington DC ku u shënuan 64 viktima, kanë dalë detaje se ngjarja mund të kishte ndodhur edhe të martën.
“Një tjetër avion që po përpiqej të ulej atje duhej të bënte një tentativë të dytë pasi një helikopter u shfaq pranë korsisë së tij të fluturimit, sipas një regjistrimi audio nga kontrolli i trafikut ajror,” raporton Washington Post.
Në X, gazetarja investigative e Washington Post, Carol Leonig, e quajti këtë lajm të rëndësishëm “për të zbuluar se sa të rrezikshme janë rrugët ajrore në DCA.”
Ndërkohë teksa Donald Trump po sugjeron, pa prova, se përpjekjet për të përmirësuar diversitetin në qeverinë federale çuan në një përplasje vdekjeprurëse avioni, kreu i një sindikate të madhe të pilotëve ajrorë po u kërkon njerëzve të përqendrohen te “mbledhja e fakteve.”
Përplasja e një helikopteri ushtarak Black Hawk me një avion komercial mbrëmë është “aksidenti i parë madhor me viktima në një kompani ajrore amerikane që kemi përjetuar në Shtetet e Bashkuara në më shumë se një dekadë,” tha Jason Ambrosi, president i Air Line Pilots Association, Int’l (ALPA), në një deklaratë.
“Shumë detaje dhe spekulime do të dalin në përgjigje të kësaj tragjedie, por duhet të kujtojmë të lëmë hetimin të ndjekë rrugën e tij,” tha Ambrosi.
“Presioni do të jetë më i madh për secilin prej nesh, pasi pasagjerët tanë – dhe anëtarët e ekuipazhit – do ta kenë këtë aksident në mendje. Megjithatë, siç bëjmë çdo ditë, pilotët e ALPA-s do të vazhdojnë të udhëheqin me profesionalizëm dhe një përkushtim të plotë ndaj sigurisë.”
Top Channel
