Një tjetër person është shpallur në kërkim pas plagosjes me armë zjarri të një 29-vjeçari mbrëmjen e djeshme në Orikum të Vlorës.
Policia thotë se është identifikuar dhe shpallur në kërkim edhe bashkëpunëtori i autorit të dyshuar, E. B., 36 vjeç, banues në Orikum.
Autori Qerim Bello, ka goditur 10 herë në drejtim të Sildi Velajt dhe më pas është largua me makinë.
I plagosuri, në momentin e ngjarjes ka qenë duke luajtur letra në brendësi të karburantit me disa shokë, ndërsa autori ka ardhur me makinë duke goditur drejt tij.
Sa i përket shkaqeve, dyshohet se personat e përfshirë kanë pasur një konflikt të mbartur për motive banale.
Ngjarja është kapur edhe nga kamerat e sigurisë të karburantit në fjalë të cilat janë marrë nga policia e Vlorës, ndërkohë që grupe janë duke bërë kontrolle për kapjen e autorit të ngjarjes.
Pas plagosjes, 29-vjeçari është dërguar në Spitalin e Traumës në Tiranë për mjekim të specializuar.
Policia thotë se po vijon intensivisht punën për kapjen e autorëve, si dhe për zbardhjen dhe dokumentimin e plotë të ngjarjes.
Top Channel
