Presidenti Trump: Jordania dhe Egjipti të pranojnë palestinezët nga Gaza 26/01 21:30
Katër pengje të tjera izraelite, që të gjitha gra, u liruan sot marrëveshjes së armëpushimit mes Izraelit e Hamasit.
Ky do të jetë grupi i dytë i pengjeve që lirohen nga Hamasi; që të gjitha ato janë ushtare. Ndërkohë në listën e emrave të publikuar nga grupi islamik mungon ai i një civili izraelit, i cili pritej të lihej i lirë pas makthit më shumë se një vjecar.
Në këmbim të lirimit të katër ushtareve shteti hebre do të lirojë 200 palestinezë të mbajtur në burgjet e tij. Hamasi pritet ndërkohë të ofrojë informacion për 26 pengjet e mbetur, të cilët, në bazë të ujdisë, do të duhet të kthehen pranë familjarëve pjesë pjesë, gjatë ditëve në vijim.
Në bazë të paktit që i ka dhënë fund përkohësisht konfliktit shkatërrimtar për enklavën e kthyer tashmë në një rrënojë gjigante, trupat izraelite duhet të tërhiqen nga pozicionet e tyre kyçe në Gaza duke i lejuar të shpërngulurve atje rikthimin në veriun e territorit.
Pas 471 ditësh në robëri, tre pengje u liruan nga grupi militant palestinez Hamas, në ditën e parë të armëpushimit me Izraelin në 19 janar.
Hamasi ra dakord të lironte tre gra në ditën e parë, ndërsa po ate ditë filloi hyrja në Gazë nga Egjipti e një mori kamionësh me ndihma për palestinezët. Marrëveshja hyri në fuqi të dielën e kaluar me një vonesë të minutës së fundit nga Hamasi që shtyu fillimin e armëpushimit me gati tre orë dhe theksoi brishtësinë e tij.
Lufta në Gaza filloi kur Hamasi kreu një sulm terrorist në Izrael më 7 tetor të vitit 2023, duke vrarë rreth 1200 njerëz dhe duke rrëmbyer rreth 250 veta. Nga këta pengje, pak më pak se 100 mendohet se mbeten në duart e Hamasit, por rreth një e treta besohet të kenë vdekur.
Top Channel
