Kreu i Prokurorisë së Posaçme. Altin Dumani theksoi këtë të hënë se SPAK nuk e ka të gjithë databazën e Sky Ecc, por ata kërkojnë kode të tjera në bazë të hetimeve që kanë.
Për komunikimet në Sky Ecc gazetarja e Top Channel, Anila Hoxha tha se Dumani theksoi se “nuk është e vërtetë që s’ka arrestime të politikanëve, pasi kemi ish-deputetin Jurgis Çyrbja të arrestuar. Ne nuk kemi në dispozicion të gjithë databazën e Sky Ecc, në vijimësi ne kërkojmë kode të tjera kur na dalin në bazë të hetimeve që kemi.
Në bazë të rezultateve të deri tanishme nuk na ka dalë lidhja direkte. Ne si institucion jemi të vëmendshëm që të ndajmë provën nga thashethemi, duke u përpjekur që të jemi sa më objektiv. Tashmë kemi edhe një vendim të gjykatës kushtetuese në lidhje me këtë çështje, ne po presim vendimin e arsyetuar për të parë argumentet.
Në përpiqemi qe të mos kemi në dispozicion vetëm komunikimet në sky ecc por t’i lidhim ato edhe me prova të tjera. Ju garantoj që në momentin që konstatohet kudo person e kemi prova do të marrim vendimet tona”.
Në lidhje me çështjen e “21 janarit”, ai tha se “vendimi nga Gjykata e Lartë është marrë në mars të 2024 dhe aktet në Spak kanë mbërritur në 11 korrik, në datën 15 korrik është bërë regjistrimi i procedimit penal pa emra konkretë. Çdo ditë për këtë çështje kryhen veprime konkrete pasi e tillë është dinamika që sjell nevojën për veprime të përditshme”.
Top Channel
