Donald Trump shpallet fajtor për 34 akuza, presidenti i SHBA-së shmang burgun 10/01 16:37
Kryetari i PD-së, Sali Berisha ka deklaruar sot se opozita nuk do ta vendosë si kusht votën e saj në Kuvend për ndryshimet në Kod lidhur me votën e Diasporës në këmbim të rikthimit të koalicioneve parazgjedhore.
Në konferencën për shtyp ai tha se shumë shpejt do të nisë edhe procesi i primareve për përzgjedhjen e kandidatëve për deputetë.
Do ta kërkoni rikthimin e koalicioneve parazgjedhore?
çështja e mohimit të koalicioneve parazgjedhore është denoncuar në rezolutat ndërkombëtare si një problem që Rama ka dashur të dëmtojë opozitën. Do e kërkojmë dhe e kemi kërkuar. është një shkelje e rëndë për partitë opozitare.
Do ta vendosni si kusht?
Do rishqyrtohet por nuk mund të them se do rivendoset si kusht. Ne i kemi dhënë përparësi votes së diasporës, të cilën Rama nuk e ka dashur. Jemi të vendosur të bëjmë çdo përpjekje për të mundësuar transparencën e saj.
Kur do jetë takimi i parë në Diasporë?
Nuk kam përcaktuar akoma axhendën, por takimet po vazhdojnë. Ne në tërësi e bazojmë në shumësi takimesh. Jane zhvilluar një mori takimesh në Greqi, në Itali dhe në këtë formë do shkojmë. Nuk kemi buxhet për të kontraktuar salla 20 mijë- 30 mijë euro, por po përdorim takime të shumta me shpenzime sa më të vogla.
Kur do bëhen primaret?
Do fillojnë shumë shpejt, sapo të fillojnë do t’u njoftoj.
Top Channel
