Qendra Spitalore Universitare Nënë Tereza në Tiranë ka reaguar lidhur me rastin e një 12-vjeçari nga Maliqi, i cili humbi jetën sot.
Teksa i shpreh ngushëllimet familjarëve, QSUT sqaron se i mituri L.S., është hospitalizuar në Spitalin Pediatrik të QSUT më datë 7 janar 2025 dhe ka ndërruar jetë më datë 8 janar 2025, në orën 01:45, në Shërbimin e Terapisë Intensive Pediatrike.
Pas ekzaminimeve të kryera, pacienti është diagnostikuar me miokardit akut, një sëmundje e rrallë dhe e rrezikshme, e cila shoqërohet me shkallë të lartë të vdekshmërisë.
QSUT shprehet se pavarësisht kujdesit maksimal dhe trajtimeve të kryera sipas protokolleve mjekësore, ndarja nga jeta e pacientit ka qenë e pamundur të parandalohet.
Top Channel
