Fluturime direkte Tiranë-Tel Aviv, Rama: Forcim i marrëdhënieve mes dy vende! Do të hapen dyert për shkëmbime kulturore dhe mundësi biznesi 08/01 11:27
Ky është Firdeus Kasaj nga Tirana, sot është 19 vjeç dhe krijon aplikacione për kompani të ndryshme në botë. Por pasioni i tij për teknologjinë nuk nisi që në vogëli duke imituar babain e tij që është inxhinier informatike
“Që në moshën 7 vjeçare shikoja babin që rregullonte laptopin me kaçavida dhe unë bëj të njëjtën gjë por vetëm se nuk i rregulloja, por i thyeja pjesët.”, shprehet Firdeus Kasaj.
Aftësia e tij kompjuterike u bë shumë shpejte njohur në rrjetin e bankave të Shqipërisë ku edhe e punësuan menjëherë.
“Kam punuar që 13 vjeç ku ka qenë rroga ime e parë kam krijuar aplikacione për sistemet bankare. Duke u rritur profesionalisht fillova të marr oferta nga kompanitë e tjera dhe kam punuar edhe në kompani më të mëdha me një staf prej 200 personash “, shprehet më tej i riu.
Ti ishe 13 vjeç dhe kolegët e punës sa vjeç i kishe?
“Mund të them që kanë qenë mbi 30 vjeç në fillim më shikon me përbuzje, se si ky djalë i vogël mund të bëj punën tonë. Por mua kjo situatë më motivoi që të eci përpara.”, shton Kasaj.
Teksa Firdeusi rritej, zhvillohej edhe profesionalisht kësaj herë duke kaluar kufijtë.
“Në fillim konkurrova kombëtarisht me aplikacioni BLIDE.APP ku fituam vendin e parë në Shqipëri e më pas konkurrova në Evropë midis 15 shteteve të ndryshe dhe aty fituam vendin e parë. Ky aplikacionin i dedikohej personave me aftësi të veçantë.”, shton ai.
Në Shqipëri ai njihet si djali që sfidon softuerin, ndërsa jashtë një djalë i talentuar. Edhe pse Universiteti Vjenës i ofroi një bursë të plotë për të vazhduar studimet në degën e AI, Firdeusi zgjodhi vendlindjen
“Në qoftë se të gjithë do të largohen nga Shqipëria nuk do të ketë një person që do të investojë në Shqipëri. Unë besoj që edhe të rinjtë Shqiptarë mund ta sjellin Evropën këtu.”, përfundon Kasaj.
Programet e krijuar prej duarve të Firdeusit janë të shumta, ai thotë që kurrë nuk do të ndalet përkundrazi do të vazhdojë të sfidojë kompanitë më me emër në botë dhe kjo do bëhet duke i besuar të rinjve që duan teknologjinë sa vetë ai .
Top Channel
