Mandarinat nuk po shiten/ Fermerët në Lushnje përgjysmojnë çmimin, bie interesi i blerësve
21/12 17:17
Në dytën e trajnimit dy-ditor për Forumin Rinor të Partisë Demokratike të Shqipërisë, kryedemokrati Sali Berisha iu drejtua të rinjve duke u thënë se janë rol vendimtar në fitoren e zgjedhjeve të 11 majit.
Kryetari i PD, i bëri ftesë rinisë që të vazhdojnë ‘betejën me bindje në fitore’, ndërsa shtoi ‘nëse ju bëheni imazh i kësaj fushate, kundërshtari shkatërrohet’.
“Sot, ne nuk kemi një diktaturë komuniste përpara, kemi një narkodiktaturë përpara. Çfarë do të thotë se nuk kemi një zgjedhje përpara, por kemi një mision përpara. Kemi një mision për të përmbushur. Dhe ky mision është fitorja e zgjedhjeve të 11 majit.
Kjo fitore, e them me bindjen time më të thellë se rol vendimtar keni ju. Energjia juaj, përkushtimi juaj, por edhe imazhi juaj, janë të një rëndësie themelore për këtë fitore. Në qoftë se ju bëheni imazhi i kësaj fushate, kundërshtari shkatërrohet.
Po të dilni ju në skenë dhe ta dominoni imazhin, ata nuk ka njeri dëshirë t’i shohë, le të lustrohen të bëjnë ç’të duan, nuk kanë krahasim me ju.
Energjia juaj është e pashtershme. Sapo u takova me zotërinjtë e nderuar, çfarë po flisnim, ua kanë thënë edhe ju. Të regjistrojmë çdo ditë në sa dyer trokitëm, të regjistrojmë çdo ditë sa duar shtrënguam, çfarë mesazhi dhamë.
Pra, e shihni ju se fitorja është në duart tona? Kështu që ju ftoj të frymëzuar edhe nga këto leksione dhe mësime që morët, ta vazhdojmë këtë betejë me bindje të plotë në fitoren që na pret.”, u shpreh Berisha.
Top Channel
