Autoritetet me dorë të hekurt, dënohen me burg 45 figurat më të njohura pro-demokracisë në Hong Kong 19/11 09:24
Dy gra dëshmuan para Komitetit të Etikës së Dhomës së Përfaqësuesve se ishin paguar për “shërbime seksuale” nga ish-deputeti Matt Gaetz, i zgjedhuri i presidentit të sapozgjedhur Donald Trump për postin e Prokurorit të Përgjithshëm, tha një avokat i tyre për CNN-in të hënën.
Gjithashtu, njëra nga gratë dëshmoi para komisionit kongresional se kishte parë Gaetz të kryente marrëdhënie seksuale me një shoqe të saj që ishte atëherë e mitur në vitin 2017, tha avokati Joel Leppard në emisionin “OutFront”. CNN e raportoi këtë detaj të premten.
Gaetz e ka mohuar në mënyrë të përsëritur çdo shkelje. Leppard tha se klientja e tij dëshmoi se ajo nuk besonte që Gaetz e dinte në atë kohë se shoqja e saj ishte e mitur.
Hetimi etik u ndërpre në mënyrë efektive kur Gaetz dha dorëheqjen menjëherë nga Kongresi pasi Trump njoftoi se republikani i Floridës ishte zgjedhja e presidentit të sapozgjedhur për të drejtuar Departamentin e Drejtësisë. Megjithatë, komisioni ende po shqyrton nëse do ta publikojë një raport për hetimin e tij dhe pritet të mblidhet të mërkurën.
Top Channel
