Pasi zbuti presionin e rezultateve të dobëta me dy fitore në ndeshjet e tetorit, kundër Kilit dhe Perusë, Brazili iu rikthye rezultateve të dobëta në kualifikimet e Amerikës së Jugut për Botërorin 2026, duke barazuar 1-1 në Maturín, kundër Venezuelës, në ndeshjen e 11-të eliminatore.
Në minutën e 43-të, Raphinha me një goditje dënimi të shkëlqyer, hapi rezultatin për skuadrën e Dorival Júnior, duke vijuar me paraqitjen e jashtëzakonshme që po bën edhe te Barcelona këtë sezon.
Barazimi i venezuelianëve nuk vonoi dhe u shfaq në minutën e parë të pjesës së dytë, nga Telasco Segovia, një lojtar i Casa Pia, me një goditje fantastike për në këndin e sipërm të majtë të portës së Ederson.
Brazili do të kishte pasur një mundësi të artë për t’u rikthyer në epërsi, por, në minutën e 62-të, Vinícius Jr. goditi dhe humbi një penallti. Brazili, pasi këtij barazimi, do të ndeshet më 20 nëntor, në Salvador da Bahia, kundër Uruguajit.
Top Channel
