E ardhmja e Sirisë pas regjimit të al-Assad, Blinken takohet me ministrin e Jashtëm të Turqisë 28/12 21:03
Elon Musk u shfaq si një mbështetës i flaktë i Donald Trump në muajt e fundit të fushatës së presidentit të zgjedhur, duke derdhur miliona dollarë nga paratë e tij.
Dhe ashtu siç i ishte premtuar nga Trump, ai është shpërblyer me atë që është në thelb një rol këshillues së bashku me shokun e tij sipërmarrës Vivek Ramaswamy, i cili ishte një nga rivalët e Trump për nominimin presidencial republikan.
Burime nga ekipi i Trum thonë për mediat se të dy ata, do të “çmontojnë burokracinë qeveritare… të shkurtojnë shpenzimet e kota” dhe të krijojnë një “qasje sipërmarrëse ndaj qeverisë”.
Shpenzimet qeveritare në SHBA mendohet të arrijnë në rreth 6.5 trilion dollarë në vit dhe përpjekjet e tyre mund të çojnë në humbje të konsiderueshme të vendeve të punës.
Trump po lëviz gurët me shpejtësi për të mbledhur kabinetin e tij. Veterani i ushtrisë dhe prezantuesi i Fox News Pete Hegseth është një zgjedhje befasuese si sekretar i mbrojtjes.
Më herët, Trump njoftoi emërimin e aleatit të tij të ngushtë John Ratcliffe, një ish kongresmen i Teksasit dhe prokuror federal, në krye të CIA-s.
Top Channel
