10.4% e studentëve të Universitetit të Prishtinës kanë raportuar se kanë përjetuar ngacmim seksual e 48.4% e këtyre ngacmimeve vijnë nga profesorët ose asistentët.
Sipas një hulumtimi të publikuar në tetor nga Njomza Lullaku, ish-prorektore, studentet femra raportuan një incidencë më të lartë të ngacmimeve seksuale në krahasim me studentët meshkuj.
Tutje, nga 1000 respodentë, u evidentua se 34.4% e ngacmimeve kanë ardhur nga kolegët dhe stafi administrativ (7.4%).
Një përqindje e vogël e të anketuarve kanë treguar për burime të tjera të ngacmuesve. Nga parlamenti studentor i Universiteti të Prishtinës inkurajojnë të gjithë studentët të raportojnë rastet.
“Ne si parlament kemi zhvilluar edhe takime me kryetarët e këshillave dhe i kemi inkurajuar që çfarëdo rasti të lajmërojnë dhe të iniciojmë procedura në instancat kompetente”, tha Blerta Zeqiraj – kryetare e Parlamentit Studentor “Universiteti i Prishtinës”
Universiteti i Prishtinës ka në fuqi rregulloren për Parandalimin dhe Mbrojtjen nga Ngacmimet Seksuale, por për të vetëm 64.3% janë të informuar dhe këtu më shumë studentet femra se meshkuj. Ndërkohë që vetëm 40 për qind e studentëve ishin të informuar mbi mekanizmat që janë në fuqi për parandalimin dhe luftimin e ngacmimeve seksuale.
Top Channel
