Kush e përcakton se cili kandidat do të fitojë Shtëpinë e Bardhë? Fjalën e fundit e ka Kolegji Zgjedhor, si funksionon 04/11 22:57
Donald Trump ka marrë fjalën në Raleigh, Karolina e Veriut dhe ka shpallur një politikë të re.
Ai do të vendosë tarifa ndaj Meksikës nëse fqinji jugor i Shteteve të Bashkuara nuk ndalon emigrantët të kalojnë kufirin e tyre të përbashkët.
Duke iu referuar presidentes së sapozgjedhur të Meksikës, Claudia Sheinbaum, Trump tha: “Nuk e kam takuar atë, dhe do ta informoj që në ditën e parë ose edhe më herët, se nëse nuk e ndalojnë këtë sulm të kriminelëve dhe drogës që hyjnë në vendin tonë, do të vendos menjëherë një tarifë prej 25% për çdo gjë që ata dërgojnë në Shtetet e Bashkuara të Amerikës.”
“Ka vetëm një mundësi 100% për të funksionuar, sepse nëse kjo nuk funksionon, do ta bëj 50 dhe nëse nuk funksionon, do ta bëj 75. Për ata të fortët, dhe do ta bëj 100”, tha Trump, duke parashikuar se Meksika do të vendosë ushtarë në kufirin e saj jugor me Guatemalën dhe Belizen për të ndaluar emigrantët që shkojnë në veri.
“E dini, kufiri i tyre jugor është aty ku ata hyjnë, hyjnë drejt përmes. Dhe, për më tepër, ka një shans 100% për të funksionuar. Është vetëm çështje kohe”, tha ai. Ai e quajti Meksikën partnerin kryesor tregtar të Amerikës, gjë që nuk është krejtësisht e saktë – sipas përfaqësuesit të tregtisë së SHBA, Meksika është furnizuesi dhe blerësi i dytë më i madh i mallrave amerikane.
Top Channel
