Frikë nga sulmet ajrore ruse, Parlamenti i Ukrainës anulon seancën plenare 22/11 13:09
Në Moldavi u votua në raundin e dytë të zgjedhjeve presidenciale mes presidentes pro-perëndimore në detyrë Maia Sandu dhe rivalit të saj miqësor ndaj Rusisë. Ky proces shihet si një zgjedhje midis Evropës dhe Rusisë.
Rezultatet paraprake nxjerrin në epërsi Presidenten pro-europiane të Moldavisë, Maia Sandu,e cila duket se po shkon drejt mandatit të saj të dytë. Megjithatë avantazhi është I ngushtë, pasi ish-kryeprokurori Alexandr Stoianoglo, i cili mbështetet nga Partia pro-ruse e Socialistëve ka arritur të marrë shumë vota.
Komisioni Qendror i Zgjedhjeve bëri të ditur se teksa janë numëruar më shumë se 90% e votave, presidentja Sandu është ne epërsi kryesisht nga votat e emigrantëve. Rezultati përfundimtar do të shpallet të hënën.
Votimi në Moldavi përfundoi në orën 21:00, me një pjesëmarrje prej 54% më të lartë se katër vjet më parë, dhe veçanërisht e lartë midis votuesve emigrantë në qendrat e votimit jashtë vendit.
Zgjedhjet u shoqëruan me pretendime të vazhdueshme për mashtrim dhe frikësim të votuesve, që kërcënojnë demokracinë në vendin kandidat për anëtarësim në Bashkimin Evropian. Alexander Stoianoglo, i cili u shkarkua si prokuror i përgjithshëm nga Sandu, ka mohuar të jetë pro Kremlinit.
Ndërsa qendrat e votimit u mbyllën, si Maia Sandu ashtu edhe rivali i saj falënderuan votuesit, ndërsa Stoianoglu fliste në rusisht dhe në rumanisht. Megjithëse rumanishtja është gjuha kryesore e Moldavisë, rusishtja flitet gjerësisht për shkak të së kaluarës sovjetike.
Top Channel
