Djegia e pemës së Krishtlindjes, shpërthejnë protestat ne Siri! Përfaqësuesi i grupit rebel ngre kryqin në shenjë solidariteti 24/12 19:32
Shërbimet izraelite të inteligjencës dyshojnë se Irani po përgatitet ta sulmojë Izraelin nga territor irakian brenda disa ditësh, edhe pse në pamje të parë duket sikur regjimi i ajatollahëve ka hequr dorë nga hakmarrja ndaj sulmit izraelit.
Dy burime izraelite thanë për Axios se goditja mund të jenë planifikuar të ndodhë përpara zgjedhjeve presidenciale në Shtetet e Bashkuara. Të njëjtat burime pretendojnë se pritet që në sulmin Iranian të përdoret një numër i madh dronësh dhe raketash balistike. Irani mund t’i vërë shpejt planet e tij në veprim nëse vendos ta ndërmarrë sulmin vërtet, megjithatë zyrtarë amerikane pohuan për Axios se SHBA nuk e di me siguri nëse është marrë një vendim i tillë.
Kreu i Gardës Revolucionare iraniane Hossein Salami deklaroi një ditë më parë se Izraeli gaboi rëndë kur sulmoi Iranin javën e kaluar dhe tha se përgjigja e Republikës Islamike do të jetë “ndryshe nga çdo skenar” për të cilin mund të përgatitet shteti hebre. Edhe CNN pohoi se ka marrë informacione nga një burim i lartë Iranian se Teherani po planifikon një përgjigje “përfundimtare dhe të dhimbshme” që ka të ngjarë të vijë përpara presidencialeve të 5 nëntorit në SHBA.
Ushtria izraelite bombardoi sakaq mëngjesin e sotëm periferitë jugore të Bejrutit, pasi fillimisht i urdhëroi banorët të largoheshin. Disa ndërtesa u shkatërruan në disa lagje të Dayihehut në jug të Bejrutit, sipas agjencisë shtetërore të lajmeve në Liban. Nuk dihet ende nëse nga këto bombardime ka viktima.
Top Channel
