Masakra në universitetin Brown në SHBA, identifikohen viktimat, autori ende në arrati 15/12 19:25
Pas deklaratave përçmuese për portorikanët nga një komedian në tubimin elektoral të Donald Trumpit në Nju Jork, këngëtarja Jennifer Lopez, e cila ka dhe vetë një origjinë të tillë, u rreshtua në krah të Kamala Harrasit.
“Unë me krenari do ta jap votën time për Harris”, deklaroi në një event të fushatës demokratë artistja e famshme, prindërit e së cilës janë nga Porto Riko. Lopez nuk la pa e përmendur në fjalën e saj përshkrimin që komediani Tony Hinchcliffe i bëri territorin amerikan të Porto Rikos si një ishull plehrash që noton në oqean.
“Trumpi ka punuar vazhdimisht për të na përçarë. Nuk ishin vetëm portorikanët që u ofenduan atë ditë. Ato fjalë ishin fyese për cdo latino-amerikën, e për njeri kushdo me karakter të mire”, tha artistja.
“Ky është edhe vendi ynë dhe ne duhet të ushtrojmë të drejtën tonë për të votuar më 5 nëntor,” tha Lopez, që iu drejtua më së shumti komunitetit latin në SHBA. Deklarata e komedianit shkaktoi zemërim të madh në Porto Riko. Ishulli i Karaibeve është territor i SHBA-së, por jo një shtet federal.
Banorët e tij janë shtetas amerikanë, por nuk mund të votojnë, megjithatë në Shtetet e Bashkuara jetojnë sakaq disa milionë portorikanë të cilët mund ta hedhin votën e tyre në zgjedhjet e 5 nëntorit.
Top Channel
