Një aksident rrugor u shënua këtë pasdite në aksin rrugor “Qafë e Buallit-Vajkal”, ku një makinë tip “Benz” u përplas me kolonën e mbikalimit që lidh Lagjen e Vjetër me Lagjen e Re të qytetit të Bulqizës.
Si pasojë e përplasjes, mbeti i plagosur rëndë drejtuesi i automjetit.
Fillimisht, aksidenti u vërejt nga shoferët e tjerë, të cilët njoftuan policinë dhe ambulancën. Menjëherë në vendngjarje, mbërriti policia dhe ambulanca, që dërgoi të plagosurin drejt spitalit të Bulqizës, ku iu dha ndihma e parë, për ta dërguar më pas drejt Spitalit të Traumës në kryeqytet.
Ende nuk dihen rrethanat si drejtuesi humbi kontrollin dhe u përplas me murin, ndërkohë që pritet hetimi nga grupi hetimor.
Top Channel
