Aerodromi i Gjirokastrës pret uljen e avionëve të parë turistikë 28/10 12:46
Një tjetër shkollë po rikonstruktohet nga Bashkia e Tiranës, që pritet të jetë gati brenda vitit të ardhshëm.
Bëhet fjalë për shkollën “Shyqyri Peza” në Kombinat, e cila pas ndërhyrjes së re, do të ketë një shtesë me 12 klasa më shumë.
“Kombinati ka shkollat më të mira në Tiranë. E filluam me ‘Betim Muçon’, vazhduam me ‘Lasgush Poradecin’, mbaroi ‘Musine Kokalari’, mbaroi edhe ‘Myslym Keta’. Jam vërtet i privilegjuar që jam me një skuadër gocash, të cilat kanë marrë përsipër të ribëjnë shkollën ‘Shyqyri Peza’. Shumë mirënjohje prindërve për bashkëpunimin. Jam i bindur se me këtë përkushtim dhe afatet që kemi vënë, viti tjetër do ta gjejë shkollën ‘Shyqyri Peza’ siç e meriton edhe kjo pjesë e Kombinatit”.
Pas Kombinatit, punimet do të zhvendosen në zonën e Unazës së Madhe, ku do të nisin paralelisht 4 shkolla të reja.
Jam vërtet entuziast që gjithë kjo zonë, që deri dje quhej periferi, sot po merr investime shumë më cilësore sesa në qendër. Kështu, i lëmë një pajë Kombinatit me 5 shkolla të reja, kopshte e çerdhe, që do jenë këtu për 100 vitet ardhshme”, u shpreh kryebashkiaku Erjon Veliaj.
Kryebashkiaku Veliaj vuri në dukje se nuk punohet për zgjedhjet e ardhshme, por për gjeneratën e ardhshme, duke iu mundësuar ambiente jo vetëm për shkollim, por edhe për argëtim në komunitet.
Top Channel
