Britania e Madhe ‘pushtohet’ nga mjegulla, aeroportet anulojnë dhjetëra fluturime 27/12 23:00
Shtetet e Bashkuara nuk do të vendosin kufizime të reja në përdorimin e armëve amerikane nga Ukraina nëse Koreja e Veriut hyn në luftë, thotë Pentagoni.
NATO thotë se trupat e Koresë së Veriut janë vendosur në rajonin Kursk të Rusisë. Vendosja e forcave të Koresë së Veriut mund të jetë një shenjë se si Rusia shpreson të kompensojë humbjet e saj në rritje në fushën e betejës dhe të vazhdojë të bëjë fitime të ngadalta dhe të qëndrueshme në Ukrainën lindore.
Pentagoni vlerësoi javën e kaluar se 3,000 trupa të Koresë së Veriut janë dislokuar në Rusinë lindore për stërvitje, por sot e rriti këtë shifër në 10,000.
“Një pjesë e këtyre ushtarëve tashmë janë afruar më afër Ukrainës dhe ne jemi gjithnjë e më të shqetësuar se Rusia synon t’i përdorë këta ushtarë në luftime ose për të mbështetur operacionet luftarake kundër forcave ukrainase në rajonin Kursk të Rusisë afër kufirit me Ukrainën”, tha zëdhënësja e Pentagonit Sabrina Singh.
Shërbimi i inteligjencës ushtarake të Ukrainës ka njoftuar se njësitë e para të Koresë së Veriut janë parë në rajonin kufitar të Kursk, ku trupat ukrainase kanë vepruar që nga një inkursion i madh në gusht.
Megjithatë, Pentagoni nuk konfirmoi praninë e ushtarëve koreano-verior në Kursk.
Top Channel
