SHBA sanksione ndaj grupit që mbledh fonde për ‘Frontin Popullor për Çlirimin e Palestinës’ 15/10 21:05
Dy kanale televizive provinciale në Afganistanin verior kanë ndalur shfaqjen e pamjeve të gjallesave teksa respektojnë urdhrat e policisë morale.
Të gjitha mediat e lajmeve në provincën Tahar janë ndaluar të filmojnë qenie të gjalla dhe të transmetojnë imazhe, tha një zyrtar nga Ministria e Promovimit të Virtytit dhe Parandalimit të Korrupsionit (PVPV), i cili kërkoi të mos përmendet.
Ministria tha të hënën se do të fillojë gradualisht zbatimin e një ligji që ndalon mediat të përdorin foto dhe video të njerëzve dhe kafshëve. Rregullat janë të përfshira në ligjin e shpallur së fundmi nga qeveria talebane , e cila po zbaton interpretimin e saj të ashpër të sheriatit (ligjit islamik), pas marrjes së pushtetit përsëri në vitin 2021. Një gazetar tha për AFP se kanali privat Mah-e-Naw në provincën Tahar luan vetëm logon dhe audion e tij. Gazetarët në provincën Tahar, të cilët nuk donin të përmendeshin nga frika e hakmarrjeve, thanë se kanalet rajonale kishin kufizuar prodhimet e tyre pas një takimi të thirrur nga PVPV të dielën.
Televizioni dhe imazhet e krijesave të gjalla u ndaluan në të gjithë vendin nën sundimin e mëparshëm taleban midis viteve 1996-2001.
Top Channel
