Organizata japoneze për të mbijetuarit nga bomba atomike, fiton çmimi Nobel i Paqes 2024

Kryetari i komitetit, Jørgen Watne Frydnes, e përshkroi Nihon Hidankyo si “një lëvizje në bazë të të mbijetuarve të bombës atomike nga Hiroshima dhe Nagasaki, i njohur gjithashtu si Hibakusha”.

“Ajo po merrte çmimin e paqes për përpjekjet e saj për të arritur një botë pa armë bërthamore dhe për demonstrimin përmes dëshmive të dëshmitarëve se armët bërthamore nuk duhet të përdoren më kurrë”, tha ai.

Komiteti Norvegjez i Nobelit tha se në dhënien e Çmimit të Paqes 2024 për Nihon Hidankyo “dëshiron të nderojë të gjithë të mbijetuarit e bombës atomike nga Hiroshima dhe Nagasaki, të cilët, pavarësisht vuajtjeve fizike dhe kujtimeve të dhimbshme, kanë zgjedhur të përdorin përvojën e tyre të kushtueshme për të kultivuar shpresën dhe angazhimin për paqen. Ato na ndihmojnë të përshkruajmë të papërshkrueshmen, të mendojmë të pamendueshmen dhe të kuptojmë disi dhimbjen dhe vuajtjen e pakuptueshme të shkaktuar nga armët bërthamore”.

Komiteti shtoi se viti do të shënonte 80 vjet që kur dy bomba atomike amerikane vranë rreth 120 000 banorë të Hiroshima dhe Nagasaki, me një numër të krahasueshëm të vdekur nga djegia dhe dëmtimet nga rrezatimi si pasojë.

“Fatet e atyre që i mbijetuan skëterrës së Hiroshimës dhe Nagasakit, të njohur gjithashtu si Hibakusha, u fshehën dhe u neglizhuan për një kohë të gjatë”, tha komiteti.

Top Channel