Dorëzohet Hezbollahu? Pranon planin e SHBA-së, pritet armëpushim me Izraelin
18/11 14:11
Një inxhiniere e re është përplasur për vdekje nga një rrul shtrimi që raportohet se kishte keqfunksionuar në një kantier ndërtimi në Brazil.
27 vjeçarja Rafaela Martins de Araujo, u dërgua në qendrën shëndetsore të Lagomar por nuk arriti t’i mbijetojë plagëve.
Ajo punonte për kompaninë MJ2 Construction, e kontraktuar nga grupi i naftës Petrobras, si menaxhere ndërtimi.
Rruli që po operohej në zonën e inerteve të kantierit raportohet se humbi kontrollin e frenave dhe goditi Rafaela më 7 tetor, sipas mediave vendase.
E ndjera ishte diplomuar për inxhinieri civile në 2020 në universitetin e Mogi das Cruzes.
Kompania Petrobras tha se ishte e shtangur dhe e trishtuar nga vdekja e inxhinieres.
Débora Simoes, drejtuese e sindikatës së punonjësve të Fluminense (Sindipetro-NF), tha: “Jemi të trishtuar nga kjo që ndodhi dhe ofrojmë ngushëllime për familjen”.
Policia vendase tha se po heton incidentin e rëndë, shkruan rrjeti The Sun.
Top Channel
