Që prej fundjavës opinioni publik zien, pas shkrimit fillimisht të gazetës amerikane “New York Times” ku kryeministri i vendit Rama deklaroi se brenda territorit të kryeqytetit shqiptar, Tiranës, do të krijohet një shtet, një enklavë e stilit të Vatikanit që do të qeveriset nga bektashinjtë dhe do të drejtohet nga kleriku Baba Mondi. Disa historian ndërkohë thonë që ky është një provokim.
Historiani, Prof. Dr. Beqir Meta, Historian thotë: “Një ide e tillë duhej diskutuar më parë në opinionin publik, e jo të thuhet direkt në Organizatën e Kombeve të Bashkuara. Unë mendoj që ka formën e një provokimi që duke njohur kombin tonë dhe historinë tonë përmban rreziqe të jashtëzakonshme.
Populli shqiptar ka luftuar shumë që të ndërtojë 2 linja të mëdha në shtetformimin e tij, e para është harmonia dhe tolerance fetare dhe e dyta është largimi i feve nga koncepti i shtetit, duke ndërtuar një shtet laik që nga koha e Ismail Qemalit.
Shqipëria nuk mund të krahasohet kurrë me Italinë dhe me Vatikanin. Shqipëria nuk është Italia dhe Vatikani nuk janë bektashinjtë e Shqipërisë. Vatikani u krijua si rezultat i përplasjeve të mëdha, i luftërave që ka patur kisha me shtetet kombëtare, me vetë popujt katolikë, dhe si rezultat i kësaj ka lindur edhe protestantizmi etj. Dhe Vatikani është pozicionuar si shtet brenda një territori tërësisht katolik. Italia është një shtet katolik, nuk është me 4 besime siç jemi ne. Me shtetin nuk mund të bëhen shaka kaq të rënda për hir të turizmit.”
Por çfarë është Bektashizmi?
Urdhri i bektashinjve i ka fillesat në shekullin e 15 themeluar nga Haxhi Bektash Veliu me origjinë nga një qytet grek.
Rritet e bektashizmit përfshijnë rritet e myslimanëve suni dhe atyre shiia dhe në mesjetë u përqafua më së shumti nga të rinjtë e krishterë që shërbenin në ushtrinë osmane.
Bektashizmi është i përhapur në Anadoll dhe në Ballkan dhe qendra e tyre kryegjyshata është në Shqipëri që nga koha kur Ataturku në Turqi i dëboi.
Bektashizmi është rryma më liberale e islamit ndërsa në Shqipëri bektashinjtë kanë një histori të gjatë të patriotizmit dhe të mbrojtjes së identitetit kombëtar.
Top Channel
