“Për herë të parë, zyrtarë me akuzë kaq të rëndë”, gazetarja: Beqaj, Rrapaj dhe Rrjepaj dyshohen për grup kriminal! 26/12 22:45
Mësimet e Nënë Terezës mbeten frymëzim për çdo shqiptar, shkruan Presidenti i Republikës, Bajram Begaj, në një postim në Ditën e Shenjtërimit të Nënë Terezës.
“Sot kremtojmë ditën kushtuar bijës së shenjtë shqiptare, Nënë Terezës, shembull i fuqisë së shpirtit dhe besimit, me një jetë të kaluar në dedikim e shërbim ndaj të vuajturve. Mësimet e saj mbeten frymëzim për çdo shqiptar dhe mbarë njerëzimin” shprehet Begaj.
Kryeministri Edi Rama ka zgjedhur të publikojë në rrjetet sociale një shprehje të Shenjtores: “Gjej një minutë për të menduar, gjej një minutë për t’u lutur, gjej një minutë për të qeshur”.
“Sot kujtojmë 8 vjetorin e shenjtërimit të Nënë Terezës, shenjtores që i dha botës një trashëgimi të pavdekshme të dashurisë, dhembshurisë dhe shërbimit ndaj më të dobëtëve, duke frymëzuar miliona njerëz anembanë globit“, shkruan në mesazhin e tij, ministri i Jashtëm, Igli Hasani.
Edhe kryetari i Bashkisë së Tiranës, Erion Veliaj përcolli mesazh në Ditën e Shenjtërimit të Nënë Terezës. “Sot, më 5 Shtator, përkujtojmë Ditën e Shenjtërimit të Nënë Terezës, një emër që simbolizon dhembshurinë dhe altruizmin. Trashëgimia e saj është një dritë udhëheqëse për të gjithë ne”, shkruan Veliaj.
Top Channel
