Mbledhja në Këshillin e Imuniteteve për kërkesën e SPAK ndaj Ballukut, Balla: Në rastin e rrugës Durrës-Kukës Këshilli i Mandateve ka marrë 75 ditë kohë 19/12 22:13
Deputeti, Erion Braçe
Deputeti socialist Erion Braçe ka reaguar pas sherrit masiv që ka ndodhur dy ditë më parë në Palasë, ku disa të rinj janë rrahur dhunshëm me njëri-tjetrin, teksa ndodheshin në një lokal.
Ai bëri thirrje që të merren masa për personat e përfshirë.
Sipas Braçes, personat e përfshirë janë llumi i shoqërisë që shkojnë në këto zona bregdetare vetëm për të treguar pushtetin e parave të tyre kriminale, të pakontrolluara nga autoritetet.
”Kam ca gjëra për të thënë për këtë llum; “sundimi i ligjit” nuk është dy llafe goje, është shumë më tepër se kaq!
E para – pastroni mjedisin publik nga këta. Këta nuk pushojnë, nuk janë në breg për pushime por për të treguar e imponuar statusin e tyre – VIPllëkun; këta dhe ato bashke me këta. Ambientet tona nuk mund të jenë ambjentet e këtyre, nuk mund të jemi bashkë kurrë!
E dyta – pastroni sektorin e shërbimeve nga ky model biznesi, në shumicën e tij edhe informal; është ky biznes që thërret këtë llum dhe paratë e këtij llumi; i përulem çdokujt në bregun e këtij vendi që shërben për njerëz normale, synon njerëz normal dhe respekton buxhetet e tyre, fiton në këtë mënyrë e ofron qetësi, argëtim e siguri njëherësh; ky është ambjenti jonë;
E treta – shumë bëjnë të gjithë bashkë, policë, hetues, prokurorë, gjykatës, kontrollore të tjerë që merren me pasuritë e politikanëve; po me paratë e këtij llumi dhe këtij modeli biznesi do merret kush? Këta pa para nuk janë asgjë, hiç, zero”, shkruan ndër të tjera deputeti socialist në Facebook.
Top Channel
