LAJM I FUNDIT/ Vetëdorëzohen dy personat që fshiheshin në banesën në Orosh, pas afro 15 orësh të rrethuar nga RENEA 24/11 20:41
Nuk ka zgjatur më shumë se dy ditë dilema se kush do të zërë vendin e Lindita Nikollës në krye të Kuvendit të Shqipërisë.
Ashtu siç edhe Top Channel kishte paralajmëruar një ditë më parë, kryeministri Rama ia ka besuar postin e numrit 2 të shtetit shqiptar, ministres së Shtetit për Marrëdhëniet me Parlamentin, Elisa Spiropalit.
Në Kongresin socialist Rama njoftoi gjithashtu edhe ndryshimet e tjera në Kuvend dhe grupin parlamentar të PS-së.
Kështu Ermonela Felaj, deri tani nënkryetare e Kuvendit, lë detyrën dhe vendin e saj e zë Bledi Çuçi.
Ish-ministri i Brendshëm që aktualisht drejtonte grupin parlamentar ka marrë kështu pozicionin e dytë më të rëndësishëm në Kuvend.
Ndërkohë në krye të grupit parlamentar, Rama ka vendosur Niko Peleshin, që lë në këtë mënyrë pozicionin e Ministrit të Mbrojtjes.
Kryetar Kuvendi
Ikën Lindita Nikolla
Vjen Elisa Spiropali
Ministria për Marrëdhëniet me Parlamentin
Ikën Elisa Spiropali
Vjen Taulant Balla
Ministria e Brendshme
Ikën Taulant Balla
Vjen Ervin Hoxha
Ministria e Mbrojtjes
Ikën Niko Peleshi
Vjen Pirro Vëngu
Ministria e Financave
Ikën Ervin Mete
Vjen Petrit Malaj
Nënkryetar Kuvendi
Ikën Ermonela Felaj
Vjen Bledi Çuçi
Kreu i grupit të PS
Ikën Bledi Çuçi
Vjen Niko Peleshi
Top Channel
