Në përpjekje për të forcuar marinën e saj luftarake, Greqia pritet të fillojë negociatat për të blerë fregatën e e katërt nga Franca 19/09 23:00
Presidenti amerikan Joe Biden ka njoftuar se do t’i japë fund kandidaturës së tij për rizgjedhje, duke thënë se “është në interesin më të mirë të partisë sime dhe të vendit”.
Ky vendim i Presidentit vjen katër muaj përpara se amerikanët të shkojnë në votime. Kjo pason javë të tëra presioni intensiv nga demokratët pas një debati të lëkundur ndaj republikanit Donald Trump në fund të qershorit.
Në një letër të postuar në llogarinë e tij në rrjetet sociale, ai tha se ka qenë nderi më i madh i jetës së tij të shërbejë si president.
“Dhe ndërsa synimi im ka qenë të kërkoj rizgjedhjen, besoj se është në interesin më të mirë të partisë sime dhe të vendit që unë të tërhiqem dhe të fokusohem vetëm në përmbushjen e detyrave si President për pjesën e mbetur të mandatit tim”.
Ai tha në deklaratën e tij se do t’i drejtohet kombit për këtë çështje javën e ardhshme. Presidenti Biden falënderoi zëvendëspresidenten e tij Kamala Harris, duke thënë se ajo ishte një “partnere e jashtëzakonshme”.
Top Channel
