Gledis Trashaj, djali i Pal Trashajt, 63-vjeçrit që piu fotoksinë para SPAK dhe më pas ndërroi jetë në QSUT dha një intervistë për Breaking në Top News.
Ai u shpreh se u përball me një ftohtësi ekstreme të mjekëve të cilët u kujdesën për babanë e tij.
“Një shok i tij që ka konsumuar kafen i ka thënë që do shkoj tek Spaku e do të mbaroj punë atje. Ai ka dokumente ka një çantë, nuk e kuptoj se si policia kriminale, e merrnin edhe pa numra këta të mikrokredive. Ai u injorua dhe injorimi i një njeriu në nevojë është gjëra më e rëndë, ti kalon në kaos psikologjik. Është një show horror, ku është problemi, shumë familje kanë të njëjtin problem, kjo nuk është individuale, jo më larg se sot më ka thënë që e kam edhe unë këtë problem.
Unë jetoj jashtë erdha në shtëpi në orën 1 të natës. Ai ishte i intubuar kishte parametra jetësorë dhe më pas….po pres ekspertizën.
Më ka bërë përshtypje të jashtëzakonshme, dhimbja këtu u trefishua një nga familjarët ka bërë dhe video ku shikoja, shikohej qartë një ftohtësi ekstreme (e mjekëve). Thoshte jo jo është diçka e mbaruar, jashtë njerëzit thonë do ia dali, sikur e bënë fakt të kryer (vdekjen)”, tha ai.
Më parë ai tha për mediat se mamaja dhe pjesëtarët e tjerë të familjes e kanë takuar para se të ndërronte jetë.
“Kredia është marrë në vitin 2009, nuk kam informacione të sakta sepse kjo është një procedurë juridike. Për ne është një ngjarje shumë tronditëse, shumë e rëndë. Unë erdha dje në darkë në orën 23:30 te Toksikologjia. Gjatë kohës që ne pyesnim, ishte e vështirë për të marrë informacion….e pashë babanë por nuk ishte i vetëdijshëm. Mami dhe pjesëtarët e tjerë të familjes e kanë takuar, thanë që fliste.
Di që herë pas here ai ka qenë në kontakt me SPAK, nuk e di si ka vazhduar procedura. Babi ka pasur probleme me një bankë. Kujtoj një rast të tmerrshëm, shoqëria përmbarimore me vendim gjykate në vitin 2014 ka arritur sa na ka bllokuar minimumin jetik. Konfiskimi ka qenë i pronës, makinës…më absudre nuk kishte ku të shkonte. Banesa ndodhet në fshatin Pllanë. Babai i ka thënë nënës ‘Kam marrë fostoksinë se nuk po gjej drejtës’. Jemi të shokuar emocionalisht. Humbja e prindit është e madhe.
SPAK duhet të verifikojë të gjitha dosjet. Ne do të marrim avokat ta ndjekim. Që në 2014 me një vendim gjykate shoqëria përmbarimore Arda El mund të jetë shoqëri si Sudja, piramidale, personalisht mua më ka bllokuar minimumin jetik (Pagen minimale). Unë punoja në administratë në ZRSHT (Zyra e Shërbimit Turistik), Lezhë, nga marsi 2014.
Minimumi jetik ishte diku 110 mijë lekë, e gjithë paga bllokohej në mënyrë absurde. Mua më ka prekur në mënyrë absolute. Isha një punë de facto po jo de juro nuk merrja rrogë, është absurde ta mendosh. Arrija të mbijetoja në sensin e një pune të dytë”, tha Gledisi më parë për mediat.
Top Channel
