Njësoj si të pish 50 cigare në ditë, qyteti më i ndotur në botë është… 21/11 23:01
Një grua që akuzohet se ka bredhur në SHBA duke pretenduar se ishte një trashëgimtare aristokrate irlandeze duke mashtruar dhjetra viktima në shumë të mëdha, është ekstraduar sot në Mbretërinë e Bashkuar.
Zyrtarët në SHBA thonin se Marianne Smyth përballet me akuzat e mashtrimit të më shumë se $170,000 nga viktimat e saj mes viteve 2008 deri në 2010 në Irlandën e Veriut.
Ndersa një gjykatës amerikan në Maine vendosi në maj se kishte prova të mjaftueshme për ekstradimin e gruas që ka qytetari amerikane, por e prezantonte veten si ‘parashikuese fati’, ‘magjistare’ dhe ‘mikeshë e yjeve të Hollywood’.
Ende nuk ka detaje për krimet e saj të shkuara në Irlandën e Veriut, por zyrtarët në SHBA thonë se Smyth përvetësonte paratë që premtonte të investonte, dhe se kishte organizuar shitjen e shtëpisë së një mikeshe të saj por në fakt kishte marrë paratë për vete.
Mes viktimave në SHBA përfshihej dhe prezantuesi Johnathan Walton, i cili kishte tentuar të paralajmëronte njerëzit për gënjeshtrat e gruas së fiksuar.
Smyth është krahasuar nga mediat me Anna Sorokin, mashtruesen që hiqej se ishte trashëgimtare gjermane për të financuar jetën e saj luksoze në New York City, historia e se ciles më pas u kthye në serial filmik. Sorokin, emri i vërtetë i të cilës ishte Anna Delvey, i dënua në 2019 për vjedhjen e më shumë se $275,000 nga banka hotele e persona në New York.
Top Channel
