Video dramatike tregon protestuesit në Londër që presin me sharrë elektrike shtyllat e kamerave të shpejtësisë (fotot) 19/06 21:33
Rituali në malin Arafat, i njohur gjithashtu si “Kodra e Mëshirës”, është shpesh ngjarja më e rëndësishme për pelegrinët e Mekës, të cilët qëndrojnë aty sup më sup e këmbë më këmbë, duke kërkuar mëshirë nga Zoti.
Duke ndjekur hapat e profetëve që besohet se ecnin aty nën diell, muslimanët nga e gjithë bota u grumbulluan sot në kodrën e shenjtë në juglindje të Mekës në Arabinë Saudite, për ditën e fundit të lutjes dhe adhurimit.
Rituali i Malit Arafat është kulminimi i pelegrinazhit të Haxhit teksa besimtarët imitojnë veprimet e profetëve në vendin ku Muhamedi dha fjalimin e tij të fundit rreth vitit 1435, ku bënte thirrje për unitet dhe barazi mes muslimanëve.
“Është shumë emocionuese,” tha Ahmed Tukeyia, besimtar nga Egjipti, teksa mbërrinte mbrëmë në kampin e tendave në rrëzë të malit Arafat.
Koha e vitit kur zhvillohet Haxhi ndryshon në vende të ndryshme, teksa është caktuar për pesë ditë në javën e dytë të muajit të fundit të kalendarit hënor musliman, të njohur si Dhu al-Hijjah.
Pas adhurimit të sotëm në Arafat, pilegrinët zakonisht ecin disa kilometra në vendin e njohur si Muzdalifa për të mbledhur gurët simbolikë me të cilët do të qëllojnë kollonat që përfaqësojnë të ligën, kur të kthehen në Mina.
Qabeja e Mekës dhe vari i Muhamedit në Medina, janë rreth 340 kilometra larg dhe dy vendet më të shenjta të fesë muslimane, të ndjekura nga Xhamia e Madhe Al Aqsa në Jeruzalemin Lindor, shkruan rrjeti turk TRTNews.
Top Channel
