Dita e Alfabetit/ Prezantohet projekti për Fjalorin e ri të Gjuhës Shqipe
22/11 15:23
Turistët vendas e të huaj po vizitojnë gjithnjë e më shumë parkun natyror Korab-Koritnik.
I cilësuar si një nga zonat më të bukura që ka rajoni i Kukësit dhe veriu i Shqipërisë, ky park shtrihet në një lartësi mbi 1300 metra mbi nivelin e detit dhe në të mund të gjesh gjithë bukurinë natyrore dhe peizazhet e mrekullueshme.
Kryeministri Edi Rama ndau sot në rrjetet sociale pamje nga peizazhet e këtij parku, një prej perlave të zonave tona të mbrojtura, që në muajt e parë të vitit ka pritur plot 800 mijë vizitorë.
Parku Korab-Koritnik ka 25 monumente natyrore (kategoria e tretë e zonave të mbrojtura në Shqipëri). Maja e malit të Korabit, më i larti në Shqipëri, ka një bukuri të rrallë.
Përveç tij ka edhe kreshta të tjera vargmali, me formacione gëlqerore dhe gipsi, mbuluar me bimë barishtore dhe kullota alpine, me lloje të ndryshme lulesh plot aromë gjatë pranverës dhe verës.
Burimet e ftohta të ujit, liqenet natyrore, majat e maleve mbuluar me borë, ofrojnë mundësi të mëdha për të shijuar çdo detaj të turizmit malor, dimër dhe verë.
Top Channel
