Pezullohet projekti i turbinave të erës në ujërat e New York pas fitores së Trump në zgjedhje (fotot)
27/11 21:47
Ish-Presidentit Donald Trump iu ofrua një pritje entuziaste nga ligjvënësit republikanë pas rikthimit në Washington në vazhdën e shpalljes fajtor në gjyqin kundër tij në Nju Jork.
Trump i falenderoi anëtarët e Dhomës së Përfaqësuesve në një klub privat pranë Kapitolit, teksa i uruan ditëlindjen e tij të 78. Ky ishte takimi i parë i ish presidentit republikan me kongresmenë në Kapitol, që kur la Shtëpinë e Bardhë në 2021 dhe hera e parë që ndaloi në Washington pas vendimit fshikullues të gjykatës, marrë mbi bazën e 34 akuzave për falsifikim të të dhënave të biznesit. Sondazhet e opinionit tregojnë se gara e Trumpit me demokratin Joe Biden për presidencialet e nëntorit është mjaft e ngushtë.
Mbështetja për të në mesin e amerikanëve mbetet e qenësishme e në 5 nëntor, nuk përjashtohet mundësia që partia e tij mund të marrë kontrollin e Shtëpisë së Bardhë dhe të të dyja dhomave të Kongresit. Trump u përpoq të tregonte se republikanët janë të bashkuar, dhe shtrëngoi duart me kreun e tyre në Senat, Mitch McConnell, me të cilin kanë pasur jo pak divergjenca. Ndërkohë, pavarësisht toneve pajtuese brenda partisë, ai ngjalli polemika pasi e cilësoi Miluakin, një qytet “të tmerrshëm”, e kjo gati një muaj para se atje të mbahet Kuvendi i Partisë Republikane, ku pritet që Trump të sigurojë emërimin e kësaj force politike si kandidat për zgjedhjet presidenciale.
Zëdhënësi i tij u detyrua më pas të sqaronte se ish kreu i shtetit nuk i ishte referuar me këto komente qytetit në vetvete, por krimit galopant atje. Etiketimi i tij mund të shkaktojë zemërim tek banorët e qytetit më të madh të Viskonsinit, një nga shtetet që mund të jenë vendimtar për rezultatin e zgjedhjeve.
Top Channel
