Qeveria miraton ndryshimin e ri, pension të veçantë personalieteve të fushës së artit dhe sportit 26/12 22:00
As shiu nuk i ka ndaluar anëtaret e komunitetit LGBT dhe mbështetës të tyre të marshojnë përgjatë Bulevardit Dëshmorët e Kombit duke shpalosur moton “Çdo ngjyrë, një familje”.
Të ardhur nga vende të ndryshme anëtarë të komunitetit LGBT e jo vetëm janë argëtuar në një hapësirë dedikuar vetëm atyre.
“Celebrojmë faktin që dashuria është ndryshe. Çdo njeri duhet të jetë në gjendje të dashurojë cilin të dëshirojë. Ne jemi këtu që të tregojmë mbështetjen për njerëzit që dashurojnë ndryshe. Komuniteti LGBT dhe të tjerë që duan mbështetje . Shqipëria është një vend fantastik dhe mikpritës por gjithashtu duhet të jetë tolerant dhe pranues në mënyrë qe turistët e huaj dhe ata qytetarët vendas të jenë vetvetja”, u shpreh ambasadori i Britaninë në Tiranë, Alastair King -Smith.
Në aktivitetin e kësaj të shtunë anëtarë të komunitetit LGBT janë mbështetur jo vetëm nga organizatat joqeveritarë të cilat financohen nga Bashkimi Europian, por edhe nga ministra e deputetët, të cilët ishin të pranishëm. Ambasadori i delegacionit të Bashkimit Europian në Tiranë, Sivio Goncato theksoi moton: Të Bashkuan në diversitet.
“Java europiane ishte me giithpërfshirje dhe ne duam të celebrojmë diversitetin si vlerë pozitive sepse mund të kontribuojë në inovacion. Ne duam ta bëjmë Shqipërinë më të hapur, më inovative, më gjithëpërfshirëse. Dhe kjo parade sot, këtë synon. Të pranojmë që edhe pse jemi të ndryshëm të mund të jetojmë bashkë. Kjo është dhe moto e BE: Të Bashkuar në Diversitet”, tha ambasadori i delegacionit të Bashkimit Europian në Tiranë, Silvio Gonzato.
Top Channel
