Policia Kufitare e Morinës ndaloi një 41-vjeçar të shpallur në kërkim ndërkombëtar nga Serbia, i dënuar për prodhim dhe shitje të lëndëve narkotike.
Shtetasi serb Dushan Joviçiç u ndalua në hyrje të Shqipërisë me qëllim ekstradimin në Serbi, pasi Gjykata e Themelore Kraljevo e ka dënuar me 9 vite burg.
“Shërbimet e Policisë Kufitare krahas zbatimit të marrëveshjes për qarkullimin e lirë ndërmjet Shqipërisë dhe Kosovës, kanë rritur vigjilencën për goditjen e paligjshmërive në kufi, si dhe për ndalimin e shtetasve që sinjazohen si të shpallur në kërkim dhe tentojnë të hyjnë apo të dalin nga kjo pikë kufitare.
Në këtë kuadër, në bashkëpunim me shërbimet e DVP Kukës dhe si rezultat i intervistimit të detajuar dhe shkëmbimit të informacionit ndërmjet Interpol Tiranës dhe homologëve në Serbi, u ndalua në hyrje të Shqipërisë, me qëllim ekstradimin në Serbi, shtetasi serb Dushan Joviçiç, 41 vjeç.
Ai ishte shpallur në kërkim ndërkombëtar, pasi Gjykata e Themelore Kraljevo, e ka dënuar me 9 vite burg, për prodhim dhe shitje të lëndëve narkotike.
Në përfundim të veprimeve, Sektori për Hetimin e Krimeve në DVP Kukës, bënë arrestimin provizor të këtij shtetasi, me qëllim ekstradimin e tij drejt Serbisë. Vijojnë procedurat për ekstradimin e 41-vjeçarit, në Serbi”, sipas njoftimit të policisë.
Top Channel
