Kabllot e prera në Balltik, BE: E bëri Rusia, e presin sanksione 27/12 14:13
Kater nga te akuzuarit duke dalë dje nga gjykata
Avokatët e të ndaluarve kanë dënuar trajtimin ‘inhuman’ të burrave që akuzohen për fundojsjen e barkës me emigrantë që ishte nisur nga Libia.
Policia greke tha se po mban në paraburgim nëntë egjiptianët prej frikës se mund të largohen nga vendi, edhe pse dy ditë më parë gjykata e qytetit jugor Kalamata rrëzoi akuzat ndaj tyre prej ‘mungesës së jurisdiksionit’.
Rreth 700 njerëz nga Pakistani, Siria e Egjipti kishin mbushur peshkarexhën tragjike te nisur nga Libia drejt Italisë, e cila u fundos papritur në jugperëndim të Greqisë në qershor të viti të kaluar.
104 njerëz mbijetuan dhe vetëm 82 trupa u rekuperuan, në një prej tragjedive më të rënda të emigrantëve në detin Mesdhe.
Katastrofa që shokoi Evropën është ndjekur nga afër në Greqi, vendi nga ku mijëra refugjatë e emigrantë hyjnë drejt BE.
Dy ditë më parë gjykata refuzoi akuzat e grupit të strukturuar kriminal ndaj burrave, duke cituar mungesën e jurisdiksionit, pasi tragjedia kishte ndodhur në ujëra ndërkombëtare.
Gjykata refuzoi gjithashtu akuzat e trafikut njerëzor dhe hyrjes ilegale në vend.
Por me vendimin e fundit të akuzuarit duhet të qëndrojnë për 11 muaj në paraburgim, në pritje të rezultatit të aplikimit të tyre për azil.
Policia tha se ata do të mbahen prapa hekurave pasi rrezikohet të largohen nga vendi, ndërsa avokatët e tyre e quanin vendimin ‘tragjik e të papranueshëm’.
“Nuk është humane të mbahen këta njerëz në paraburgim kur gjykata ka refuzuar akuzat ndaj tyre, pasi kanë kaluar tashmë 11 muaj në burg pa arsye”, tha avokatja.
Shkaku i tragjedisë mbetet ende i panjohur ndërsa autoritetet greke nuk jepnin komente mbi cështjen, shkruan rrjeti The Guardian.
Top Channel
