Putin fal borxhet për luftën/ Presidenti rus josh qytetarët e zhytur në kredi për të luftuar në Ukrainë
24/11 13:22
Studentëve të diplomuar, presidenti amerikan Joe Biden u tha se ai mbështet “protestën e tyre paqësore, jo të dhunshme” mbi “krizën humanitare në Gaza”.
Përgjigja e Joe Biden-it ndaj ofensivës izraelite ka ngjallur protesta në universitete në mbarë botën.
Presidenti amerikan Joe Biden i tha klasës së diplomimit të Kolegjit Morehouse se ai po i dëgjon zërat e tyre mes protestave të vazhdueshme për konfliktin në Gaza.
“Unë mbështes protestat paqësore dhe jo të dhunshme,” u tha ai studentëve, disa prej të cilëve mbanin shalle rreth shpatullave përveç fustaneve të zeza të diplomimit.
“Zërat tuaj duhet të dëgjohen dhe ju premtoj se i dëgjoj”. “Kemi një krizë humanitare në Gaza,” tha Biden në kolegjin në Atlanta, Georgia. “Kjo është arsyeja pse kam bërë thirrje për një armëpushim të menjëhershëm”.
Bideni e bëri vizitën pas javësh protestash dhe demonstratash në një sërë institucionesh të arsimit të lartë në Shtetet e Bashkuara, të cilat kritikojnë përgjithësisht mbështetjen amerikane për Izraelin dhe fushatën ushtarake në Gaza.
“E di që kjo i zemëron dhe zhgënjen shumë prej jush, përfshirë familjen time,” tha ai.
Biden: Një shtet i pavarur palestinez është “zgjidhja e vetme”
Duke folur në një ceremoni diplomimi në ish-universitetin e liderit të të drejtave civile Martin Luther King Jr., Joe Biden tha se ai po mbron një marrëveshje paqeje rajonale “për të marrë një zgjidhje me dy shtete, zgjidhja e vetme”.
Presidenti 81-vjeçar, i cili do të kërkojë një mandat të dytë në nëntor, tha gjithashtu se po punonte drejt “paqes së qëndrueshme” në Lindjen e Mesme.
Këshilltari i Sigurisë Kombëtare Jake Sullivan do të udhëtojë në Arabinë Saudite dhe Izrael këtë fundjavë, duke kërkuar një armëpushim dhe marrëveshje normalizimi midis dy vendeve.
Zemërimi i studentëve me Biden-in
Përpara fjalimit të presidentit, disa studentë të Morehouse qarkulluan një letër në internet duke i kërkuar presidentit të Morehouse David Thomas të anulonte ftesën e Bidenit për të folur në ceremoni. Letra pretendonte se politikat e Biden-it për konfliktin përbënin mbështetje për “gjenocidin” në Gaza dhe nuk ishin në përputhje me pacifizmin e shprehur nga Martin Luther King Jr.
Edhe pse një student e kishte kthyer shpinën nga Bideni, fjalimi i presidentit vazhdoi pa shumë ndërprerje. /DW
Top Channel
