![](https://top-channel.tv/wp-content/uploads/2024/09/0-2024-09-07T190138.257-800x450.jpg)
Një nënkomisar në Vlorë është pezulluar nga detyra si OPGJ në Sektorin e Trafikut Urban dhe Interurban në DVP Gjirokastër, për “pezullim detyre”.
Mazar Qejvani ishte nën hetim disa mujor nga Agjencia e Mbikëqyrjes Policore (Rajoni Vlorë – Gjirokastër), nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Vlorë.
Sot është ekzekutuar vendimi i Gjykatës, e cila ka caktuar masën e sigurimit “Pezullim i ushtrimit të një detyre a shërbimi publik” ndaj punonjësit të Policisë.
Nga hetimet e kryera ka rezultuar se punonjësi i Policisë në kohën kur ishte me detyrë në DVP Vlorë, nuk referonte materialet proceduriale në Prokurori për raste aksidentesh me pasoja të rënda, duke konsumuar elementë të veprës penale “Shpërdorim i detyrës”.
Vijojnë hetimet për raste të tjera të veprimeve të paligjshme të kryera nga ky punonjës policie.
Top Channel