Kush e nxori regjistrimin mes të besuarve të Trump dhe Putin? Zyrtari i Kremlinit dyshon te Whatsapp: Ka disa biseda që mund të… 26/11 23:03
Të paktën 41 njerëz janë vrarë në ishullin indonezian Sumatra ku reshjet masive kanë shkaktuar përmbytje dhe vërshime të hirit të ftohtë të vullkanit Marapi, duke mbjellë shkatërrim në fshatrat e varfra.
Shirat e fundjavës kanë marrë përpara copa të shkëmbi vullkanik duke shkatërruar me to shtëpitë e vendbanimeve më poshtë, ndërsa lumi i zonës doli nga shtrati duke përmbytur rrugët.
Viktimat ishin përfshirë nga përmbytja e rrugëve, shtëpive e xhamive, ne fatkeqësinë që shkatërroi rreth 200 ndërtesa.
Numri viktimave pritet të rritet teksa 17 njerëz raportohen të humbur, njoftonin autoritetet.
Zyrtar i emergjencave Ilham Wahab, tha se përpjekjet e shpëtimit vazhdojnë ashtu si dhe kërkimet mes rrënojave të baltës e hirit vullkanik.
Zyrtarët lokalë kanë ngritur qendra emergjence në disa pika si Agam e Tanah Datar.
Në pamje të publikuara nga grupet e shpëtimit shiheshin rrugë të transformuara në lumenj balte, copa shkëmbore dhe pemë të çrrënjosura.
Katastrofa e fundjavës vjen pasi një shpërthim vullkanik i malit Marapi në fund të vitit që shkoi shkaktoi dëme të konsiderueshme në rrethinat e banuara, shkruan rrjeti Daily Mail.
Top Channel
