![](https://top-channel.tv/wp-content/uploads/2024/09/gj_sd-1-1-800x450.jpg)
Një video, ku qentë endacakë në Vlorë sulmojnë një turiste të huaj në shëtitoren bregdetare, ka bërë xhiron e rrjetit.
Raste si ky nuk janë të rralla. Top Channel mëson se deri në 3 persona në ditë kërkojnë ndihmë në spitalin e Vlorës nga kafshimi i qenve. Edhe vetë grupi i xhirimit që po përgatiste këtë kronikë për pak u sulmua nga këta qen.
Shpesh turistët vënë veten në rrezik duke ndaluar për t’i fotografuar qentë duke menduar se janë të sterilizuar dhe jo agresivë.
Bashkia e Vlorës parashikon 250 milion lekë a për trajtimin dhe sistemimin e qenve endacakë.
“Jemi në dijeni për këtë situatë, dhe jemi duke bashkëpunuar me një shoqatë animaliste për kapjen sterilizimin, sterilizimin e kafshëve dhe vendosjen e matrikullimit. Ndërkohë, rastet agresive do të trajtohen dhe do mbahen të mbyllur në një strehë”, shprehet Ardi Peçuli, përgjegjës i veterinarisë, në Bashkinë Vlorë.
Veterinerët e bashkisë së Vlorës kërkojnë që të bëhet një strehë për të gjithë qentë endacakë. Shqetësim mbetet edhe sjella nga qytete të tjera të qenve endacakë në Vlorë.
Top Channel