Akuzohet për spiunazh në favor të Rusisë dhe Iranit, arrestohet punonjësi i ambasadës amerikane në Oslo 22/11 22:38
Koha po mbaron për të parandaluar urinë në Darfur, në Sudanin perëndimor, ka paralajmëruar një agjenci e OKB-së, pasi përshkallëzimi i dhunës po shkatërron kombin afrikan.
Njerëzit janë detyruar të konsumojnë “bar dhe lëvozhga kikiriku”, tha të premten drejtori rajonal për Afrikën Lindore të Programit Botëror të Ushqimit.
“Nëse ndihma nuk i arrin ata së shpejti, ne rrezikojmë të dëshmojmë urinë dhe vdekjen e përhapur në Darfur dhe në zonat e tjera të prekura nga konflikti në Sudan”, shtoi Michael Dunford sipas CNN.
Sudani është përfshirë nga lufta civile që nga prilli 2023, kur shpërthyen luftimet mes ushtrisë sudaneze dhe Forcave paraushtarake të Mbështetjes së Shpejtë (RSF).
Shpejt u shndërrua në një konflikt brutal të karakterizuar nga raporte për dhunë seksuale e gjenocidale dhe viktima civile, duke shkaktuar një eksod refugjatësh.
Të enjten, dy shoferë të Komitetit Ndërkombëtar të Kryqit të Kuq (ICRC) u vranë nga persona të armatosur në Darfurin e Jugut, në një sulm që la të plagosur tre anëtarë të tjerë të stafit, sipas organizatës humanitare.
Ekipi i KNKK-së u sulmua gjatë rrugës për të vlerësuar krizën midis komuniteteve të prekura nga dhuna e armatosur në rajon,tha organizata .
Në qytet dhe lokalitetet përreth tij, ka pasur “vrasje arbitrare në rritje”, “djegie sistematike të fshatrave të tëra” dhe “bombardime të përshkallëzuara ajrore”, tha të enjten zëvendës koordinatori humanitar i OKB-së për Sudanin, Toby Hayward.
Hayëard shtoi se El Fasher është i vetmi qytet në Darfur që nuk është pushtuar nga RSF dhe strehon mijëra njerëz që janë zhvendosur nga lufta. Të paktën 500,000 nga ata që janë strehuar në qytet janë zhvendosur nga dhuna diku tjetër në Sudan, sipas agjencisë së OKB-së për fëmijë (UNICEF).
Më shumë se 36,000 njerëz janë detyruar të largohen nga shtëpitë e tyre në El Fasher në javët e fundit, njoftoi Zyra e OKB-së për Koordinimin e Çështjeve Humanitare (OCHA).
Të paktën 43 persona janë vrarë brenda dhe përreth qytetit që nga përshkallëzimi i luftimeve pak më shumë se dy javë më parë, tha të enjten drejtoresha ekzekutive e UNICEF-it, Catherine Russell.
Top Channel
