Sulm në qendër të Bejrutit, vritet zëdhënësi i Hezbollahut! Zyrtari i grupit militant e konfirmon 18/11 07:24
Zëdhënësi i Kremlinit, Dmitry Petrov
Negociatat për zgjidhjen e konfliktit të Ukrainës pa pjesëmarrjen e Rusisë nuk synojnë të sjellin rezultat. Kështu u shpreh zëdhënësi i Kremlinit, Dmitry Peskov para gazetarëve pasi u pyet për komentin që kishte mbi organizimin e një konference paqeje për Ukrainën në Zvicër.
“Ne nuk e kuptojmë se çfarë lloj momenti historik është kjo konferencë e paqes. Çfarë lloj konference serioze me pritshmëri serioze, çfarë lloj rezultatesh mund të ketë pa pjesëmarrjen e Rusisë?”- u shpreh mes të tjerash Peskov.
Sipas tij, konferenca të tilla ku Rusia nuk është pjesëmarrëse, nuk mbahen për të arritur rezultate. Ai theksoi se qëndrimi i Rusisë për të mbajtur bisedimet e paqes, është tashmë i njohur.
“Qëndrimi ynë është tërësisht transparent, është përsëritur shumë herë dhe është konfirmuar nga presidenti ynë”, shtoi zëdhënësi.
Më 11 prill, presidenti rus Vladimir Putin dhe homologu i tij bjellorus, Aleksandër Lukashenko zhvilluan bisedime në Kremlin, pas të cilave lideri rus përsëriti se Moska nuk kishte refuzuar kurrë të zgjidhte mosmarrëveshjet në mënyrë paqësore dhe kishte qenë gjithmonë e prirur drejt këtij opsioni të zgjidhjes së konfliktit. Kreu i shtetit bjellorus vuri në dukje se marrëveshjet e Stambollit të përpunuara në pranverën e vitit 2022 mund të shërbejnë si pikënisje për negociatat për zgjidhjen e krizës ukrainase.
Top Channel
