Trump kërkon të blejë Groenlandën, qeveria daneze akordon 1.5 bilion dollarë investime: Koha e njoftimit është thjesht rastësi 24/12 23:26
Një histori e pabesueshme e një 98-vjeçare është bërë mediatike në Ukrainë, e cila eci 9 km në këmbë në një zonë lufte për t’i shpëtuar sulmit rus në qytetin e Ocheretin.
Aventura për Lydia Stepanivna Lomikovska filloi kur familja e saj vendosi të largohej nga Ocheretin në rajonin e Donetskut pasi ushtarët rusë hynë në të.
Në kaosin që pasoi pas nisjes, e moshuara u nda nga djali dhe dy nuset, teksa anëtarët e vegjël të familjes zgjodhën një rrugë periferike, ndërsa 98-vjeçarja vendosi të vazhdonte në rrugën kryesore të qytetit.
Me bastunin në njërën dorë dhe një shkop në tjetrën për të mbajtur ekuilibrin, 98-vjeçarja eci gjithë ditën pa ushqim dhe ujë derisa arriti tek forcat ukrainase. E moshuara tregon se ajo ra dy herë, ndërsa disa herë të tjera u ndal për të pushuar, madje e zuri gjumi para se të vazhdonte rrugën e saj të rrezikshme.
“Një herë humba ekuilibrin dhe rashë. Një herë tjetër fjeta pak dhe pastaj vazhdova të ecja. Dhe pastaj rashë për herë të dytë. Por u ngrita dhe i thashë vetes se duhet të vazhdoj të eci”, vazhdoi përshkrimi 98-vjeçarja.
Përfundimisht, ushtarët ukrainas e gjetën gruan e moshuar pasditen e asaj dite dhe ia dorëzuan atë anëtarëve të grupit të Engjëjve të Bardhë, që merren me evakuimin e civilëve nga zonat e luftës. Më vonë e moshuara u ribashkua me familjen e saj.
Pas publikimit të historisë së pabesueshme të 98-vjeçares, drejtori menaxhues i bankës ukrainase Monobank njoftoi se do t’i blinte asaj një shtëpi “në të cilën ajo do të qëndrojë derisa të përfundojë lufta.
Top Channel
