Trajneri i Real Madrid-it, Carlo Ancelotti, foli për mediet pas barazimit 2-2 në “Allianz Arena”kundër Bayern Munich, në gjysmëfinalen e parë të Champions League.
Ndërsa bëri analizën e kësaj përballjeje, italiani u shpreh se Bayern ishte në nivelin më të lartë, ndërsa skuadra e tij jo.
“Në fund të ndeshjes ne kishim më shumë energji, pasi ata kishin vrapuar më shumë se ne. Jemi gjysmë të kënaqur me lojën që bëmë, pasi Bayern-i luajti në nivelin më të lartë të mundshëm, ne jo”-tha fillimsht italiani.
I pyetur për Toni Kroos, tekniku theksoi se fjalët janë të kota për të, pasi sipas kreyt të stolit të “Los Blancos” gjermani është i mrekullueshëm.
“E kotë të shpenzosh fjalë për të, ai është një njeri i mrekullueshëm. Ai bën gjithçka mirë dhe asistimet për Vinicius janë super. Lëvizja para golit ishte gjithashtu e pabesueshme”-shtoi Carlo Ancelotti./ SuperSport
Top Channel
